مسلم لیگ(ق) کی ہسپتال سے ادویات چوری پر تحریک التواء اسمبلی میں جمع

مسلم لیگ(ق) کی ہسپتال سے ادویات چوری پر تحریک التواء اسمبلی میں جمع

  

لاہور(لیڈی رپورٹر) مسلم لیگ( ق) کی رکن صوبائی اسمبلی وصدر شعبہ خواتین پنجاب خدیجہ عمر فاروقینے کہا ہے کہ ہسپتالوں کو فراہم کی جانے والی ادویات کی چوری بیڈگورننس اور بدترین کرپشن ہیں ۔انہوں نے جناح ہسپتال میں40لاکھ کی ادویات چوری پر پنجاب اسمبلی میں تحریک التوائے کار جمع کروادی ۔اپنی تحریک میں خدیجہ عمر فاروقی نے کہا کہ یہ چوری ہسپتال کی انتظامیہ اور ذمہ داروں کے بغیر ممکن نہیں ،اس سنگین جرم کے تمام کرداروں کو عدالت کے کٹہرے میں لایا جائے انہوں نے کہا کہ یہ چوری کا محض ایک واقعہ ہے صوبہ کا کوئی ہسپتال بھی اس جرم سے پاک نہیں ۔غریب مریضوں کی ادویات چوری کرکے کھلی مارکیٹ میں بیچنے والے انسانیت کے دشمن اور دہشت گرد ہیں ،ایسے عناصر کے خلاف دہشت گردی کی عدالتوں میں مقدمات چلنے چاہیے۔انہوں نے کہا کہ ادویات کی چوری کے اس سکینڈل نے وزیراعلیٰ پنجاب کی گڈ گورننس کا پردہ چاک کردیا ہے ۔8سالوں سے برسراقتدار حکمرانوں نے اداروں کو کرپشن، کمیشن اور بدعنوانیوں کے اڈوں میں تبدیل کردیا ہے ۔

مزید :

میٹروپولیٹن 1 -