سموگ کا حل تلاش کرلیا گیا

سموگ کا حل تلاش کرلیا گیا

دہلی(ویب ڈیسک) بھارت اس وقت زیریلی گیسوں اور شدید اسموگ کی لپیٹ میں ہے جس نے شہریوں کی زندگی عذاب بنا کر رکھ دی ہے تاہم اب نئی دہلی حکومت نے اس مسئلے کا حل ڈھونڈ لیا ہے۔

میڈیا رپورٹس کے مطابق بھارتی حکومت دہلی اور اس کے آس پاس کے علاقوں میں مصنوعی بارش کرنے کی منصوبہ بندی کررہی ہے۔ مصنوعی بارش کے ذریعے ہوا میں موجود مٹی اور زہریلا دھواں کسی حد تک کم کرنے میں مدد ملے گی جب کہ شہری بھی سکون کی سانس لے سکیں گے۔ماحولیات کے وزیر رتیش کمار سنگھ نے بھارت کی دیگر ریاستوں کے وزرا اورسول سرونٹس سے ملاقات کے بعد فیصلہ کیا ہے کہ مصنوعی بارش کے لیے فائر ٹرک استعمال کیے جائیں گے۔

ماحولیاتی تحفظات کے ادارے سے تعلق رکھنے والی شروتی بھاردواج کا کہنا ہے کہ صرف مصنوعی بارش ہی اس مسئلے کا حل ہے اور پانی کے اسپرے سے زہریلی گیسوں اور آلودگی کو ختم کرنے میں مدد ملے گی اور اس سے سرمئی رنگ کی اسموگ سے چھٹکارہ مل جائے گا جس نے گزشتہ 4 دنوں سے دہلی کی فضاؤں میں ڈیرہ جماکر رکھا ہوا ہے۔

مزید : ماحولیات

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...