کرتار پور راہداری کھولنے سے دنیا بھر میں مثبت پیغام گیا

ایم کیو ایم پاکستان کے رہنما فیصل سبز واری نے کہا ہے کہ یقینی طور پر پاکستان کی جانب کرتار پور بارڈر کھولنے سے دنیا بھر میں ایک مثبت امیج گیا ہے اور جہاں تک بھارت کی سپریم کورٹ کی جانب سے بابری مسجد کے خلاف فیصلے کا تعلق ہے توایک مرتبہ پھر بھارت نے ایسا کرکے ثابت کیا ہے کہ دونوں ممالک کے مابین کشیدگی کی وجہ اس کا تعصبانہ رویہ ہے اور ہم مطالبہ کرتے ہیں کہ دنیا بھر کے ممالک بھارت کی اس گھٹیا حرکت کا نوٹس لیں۔ایشو آف دی ڈے میں اظہار خیال کرتے ہوئے ان کا کہنا تھا کہ پاکستان نے تو ہمیشہ نہ صرف امن کی بات کی ہے بلکہ امن کوایک موقع دینے کے لئے کرتار پور بارڈر جیسا بڑا عملی کام کیا ہے اور اب بھی اگر بھارت پاکستان کے مثبت اقدامات کا تعصب اور نفرت پر مبنی جواب دے گا تواس سے یہ بات ثابت ہو جاتی ہے کہ بھارت نہیں چاہتا کہ خطے میں امن قائم ہو۔
فیصل سبز واری