داعش کے قبضے کے بعد سے 54لاکھ عراقی بے گھر ہوئے: اقوام متحدہ

داعش کے قبضے کے بعد سے 54لاکھ عراقی بے گھر ہوئے: اقوام متحدہ

نیویارک(این این آئی)اقوام متحدہ نے کہاہے کہ 2014 میں عراق میں داعش تنظیم کی جانب سے ایک بڑے علاقے پر قبضہ کر لینے کے بعد سے بے گھر عراقیوں کی تعداد 54 لاکھ ہو چکی ہے۔غیرملکی خبررساں ادارے کے مطابق اقوام متحدہ کے سکریٹری جنرل کے سرکاری ترجمان اسٹیفن ڈوگاریک نے مزید بتایا کہ عراق کے صوبے کرکوک کے جنوبی مغربی ضلعوں کے واپس لیے جانے کے واسطے ہونے والے معرکوں کے بعد ملک میں بے گھر افراد کی تعداد میں اضافہ ہو گیا۔ادھر ہجرت اور مہاجرین سے متعلق عراقی وزارت نے اعلان کیا ہے کہ الحویجہ ضلعے کو واپس لینے کے لیے شروع ہونے والی کارروائیوں کے بعد سے اب تک مقامی طور پر بے گھر افراد کی تعداد نو ہزار تک پہنچ گئی ہے۔

مزید : عالمی منظر


loading...