لاہور میں 1 ماہ کیلئے دفعہ 144 نافذ، نوٹیفکیشن جاری
لاہور(ویب ڈیسک) لاہور میں 1 ماہ کیلئے دفعہ 144 نافذ، نوٹیفکیشن جاری، پنجاب حکومت نے مناظرے، مباحثے اور مسلکی تقاریر پر فوری پابندی عائد کر دی، پابندی کا اطلاق 30 دن کے لئے کیا گیا ہے۔ایڈیشنل چیف سیکریٹری میجر (ر) اعظم سلیمان خان کی جانب سے شہر میں دین کے حساس معاملے پر ہر قسم کی بحث اور مباحثے پر پابندی عائد کر دی گئی ہے۔
مسلم لیگ کے صدر نواز شریف آج لندن سے پاکستان واپسی کے لیے روانہ ہو نگے
پابندی دفعہ 144 کے تحت ایک ماہ کیلئے لگائی گئی ہے، جو 9 نومبر تک برقرار رہے گی۔ ایڈیشنل چیف سیکریٹری کی جانب سے جاری کردہ نوٹیفکیشن میں کہا گیا ہے کہ ختم نبوت جیسے حساس معاملے پر کسی کو کسی قسم کی بحث کی اجازت نہیں ہو گی، مذہبی سکالرز اور مولوی حضرات سمیت کسی کو کسی مباحثے کی اجازت نہیں دی جا سکتی، نشریات اور شائع شدہ دعوت پر بھی مکمل پابندی عائد کر دی گئی ہے۔ نوٹیفکیشن میں کہا گیا ہے کہ خلاف ورزی پر قانون کے مطابق قانونی چارہ جوئی کی جائے گی۔
