خیبر پختونخوا میں ن لیگ کی حکومت ہوتی تو 11 ماہ میں میٹرو چل پڑتی،عوام بھی کوستے ہوں گے ہم نے عمران کو ووٹ کیوں دیا،شہباز شریف

خیبر پختونخوا میں ن لیگ کی حکومت ہوتی تو 11 ماہ میں میٹرو چل پڑتی،عوام بھی ...
خیبر پختونخوا میں ن لیگ کی حکومت ہوتی تو 11 ماہ میں میٹرو چل پڑتی،عوام بھی کوستے ہوں گے ہم نے عمران کو ووٹ کیوں دیا،شہباز شریف

  


ملتان (ڈیلی پاکستان آن لائن )وزیراعلیٰ پنجاب شہبازشریف نے ملتان میں سپیڈو بس سروس کا افتتاح کر دیا،پہلے مرحلے میں ملتان میں11 روٹس پر 100 ائیرکنڈیشنڈ بسیں چلائی جائیں گی جبکہ ان بسوں میں سفر کےلئے ای ٹکٹنگ کا نظام متعارف کرایا گیا ہے،ملتان کے علاوہ جنوبی پنجاب کے دیگر شہروں میں بھی سپیڈو بسز چلائی جائیں گی،ملتان سرکٹ ہاﺅس میں افتتاحی تقریب سے خطاب کرتے ہوئے وزیراعلیٰ شہباز شریف نے کہا کہ پی ٹی آئی نے خودکام نہیں کیا،صرف نئے پاکستان کی بات کی اورکے پی کے میں لوگ کوستے ہوں گے کہ ہم نے ووٹ کیوں دیا،شہبازشریف نے کہا کہ جس صوبے میں کام کرنے کا موقع ملا وہاں انھوں نے کام تک نہ کیااگرپشاور میں مسلم لیگ ن کی حکومت ہوتی تو 11ماہ میں میٹرو چل پڑتی،آج تک پشاورمیں میٹرومنصوبے کی ایک اینٹ تک نہیں لگائی۔

وزیراعلیٰ پنجاب کا تقریب کے شرکا سے کہنا تھا کہ عمران خان نیازی اوران کے نیازمندوں نے میٹروبس کوجنگلا بس قراردیااور الزام لگاتے رہے کہ منصوبے پر70ارب روپے لگالیکن ثبوت نہ دے سکے،قرضہ خوروں نے لاہور میٹرو منصوبے کی مخالفت کی،عمران نے لاہورمیٹروکی بدترین مخالفت کی پھرخودہی پشاورمیں بس سروس کااعلان کیا،انہوں نے کہا کہ 7مہینے دھرنے والوں نے پاکستان مخالفت کابھرپورثبوت دیا،چینی صدرکی آمدپردھرنے سے روکالیکن کسی نے نہ سنی،شہباز شریف نے کہا کہ لاہورمیں میٹرومنصوبے کے افتتاح پر پی ٹی آئی کو پیٹ میں مروڑ اٹھ رہی تھی،اورنج ٹرین کی پچ اکھاڑ دی گئی ،کہا"ناں کھیڈاں گے ناں کھیڈن دیاں گے"،انہوںنے کہا کہ صرف 25روپے میں ملتان میٹروبس سے باوقارطریقے سے سفرکرسکیں گے،وزیراعلیٰ پنجاب نے کہا کہ جنوبی پنجاب میں صاف پانی منصوبے کیلئے24ارب رکھے گئے ہیں،صاف پانی منصوبے کاآغازجنوبی پنجاب سے کیاجارہاہے،خانیوال سے لودھراں میں موٹروے پرکام جاری ہے،کسانوں کواربوں روپے کھادکی سبسڈی کےلئے دیئے،انہوں نے کہا کہ کسی حکومت نے جنوبی پنجاب کیلئے اتناکام نہیں کیاجتنا ہم نے کیا،ملتان نشترہسپتال2منصوبے پراسی سال کام شروع کردینگے۔

وزیراعلیٰ شہبا زشریف ملتان میں سپیڈو بس سروس کا افتتاح کرنے کے بعد مظفرگڑھ پہنچ گئے جہاں انہوں نے طیب اردگان ہسپتال کا دورہ کیا ،اس موقع پر وزیراعلیٰ پنجاب نے مریضوں کی عیادت کی اورسہولیات کا جائزہ لیا۔

مزید پڑھیں:۔لاہورمیں مریم نواز اپنے سمدھی کے گھر قیام پذیر ،چچا شہباز شریف کے گھر نہیں گئیں

مزید : قومی /اہم خبریں


loading...