ڈنگ ٹپاؤ پالیساں معیشت کو لے ڈوبیں

معروف بزنس مین اور ماہر معاشیت عقیل کریم ڈھڈی نے کہا ہے کہ معیشت کی تباہی ایک دن میں نہیں ہوئی یہ قصہ بہت پرانا ہے جس کی بنیادی وجہ مستقل اور قومی معاشی پالیسی کا فقدان ہے ڈھنگ ٹپاؤ پالیساں معیشیت کو لے بیٹھی ہیں درآمدات کے شوق نے سب کچھ تباہ کردیا ملکی انڈسٹری کا خانہ خراب کردیا گیا جس کی وجہ سے آج ڈالر آگے تو ہم اس کے پیچھے پیچھے ہیں۔وہ ایشو آف دی ڈے میں اظہار خیال کررہے تھے۔انہوں نے کہا کہ ورلڈ بینک کی پاکستان کے حوالے سے رپورٹ کے پاکستان آئندہ کچھ عرصے تک معاشی ترقی کے بحرانوں میں گرا رہے گا اس کو جھٹلایا نہیں جا سکتا کیونکہ ہماری اس وقت جو معاشی حالت ہے وہ نا گفتہ بہ ہے اگر اس رپورٹ کو جھٹلانا ہے اور ملک سے معاشی بد حالی کے اندھیرے ختم کرنے ہیں تواس کے لئے ملک کو اپنے پاؤں پر کھڑے کرنا ہو گا جس کے لئے درآمدات کی حوصلہ شکنی کرنا ہو گی اور ملکی انڈسٹری کو سپورٹ کرنا ہو گا ۔
عقیل کریم ڈھڈی