الیکشن کمیشن کی جانب سے ضمنی انتخابات کے لیے پولنگ  سٹیشنز کی تفصیلات جاری

الیکشن کمیشن کی جانب سے ضمنی انتخابات کے لیے پولنگ  سٹیشنز کی تفصیلات جاری
الیکشن کمیشن کی جانب سے ضمنی انتخابات کے لیے پولنگ  سٹیشنز کی تفصیلات جاری

  



اسلام آباد(ڈیلی پاکستان آن لائن) الیکشن کمیشن نے ضمنی انتخابات کے لیے پولنگ اسٹیشنز کی تفصیلات جاری کردیں،35 حلقوں میں ہونے والے ضمنی انتخابات میں کل 7 ہزار 489 پولنگ اسٹیشن قائم کیے گئے ہیں۔

نجی ٹی وی چینل’’ جیونیوز‘‘ کے مطابق الیکشن کمیشن کے مطابق 14 اکتوبر کو 35 حلقوں میں ہونے والے ضمنی انتخابات میں سے قومی اسمبلی کے 11 اور صوبائی اسمبلیوں کے 24 حلقوں میں ضمنی انتخاب ہوگا، قومی اسمبلی کیلئے اسلام آباد سے ایک، پنجاب سے 8، سندھ اور خیبرپختونخوا کی ایک ایک نشست پر انتخاب ہوگا، صوبائی اسمبلی پر پنجاب کی 11، سندھ 2، کے پی کے 9 اور بلوچستان اسمبلی کی2 نشستوں پرضمنی انتخاب ہوگا،ضمنی الیکشن کے لیے کُل 7 ہزار 489 پولنگ اسٹیشن قائم کیے گئے ہیں جن میں سے ایک ہزار 727 پولنگ اسٹیشنز حساس ترین ہیں۔

الیکشن کمیشن کا کہنا ہےکہ 35 حلقوں میں 92 لاکھ، 83 ہزار 74 ووٹرز حق رائے دہی استعمال کرسکیں گے، انتخابات میں 51 ہزار 235 انتخابی عملہ خدمات سر انجام دے گا، پولنگ اسٹیشنز پر امن وامان کی ذمہ داری فوج سنبھالے گی، فوج تمام پولنگ اسٹیشنز کے اندر اور باہر تعینات کی جائے گی،امن وامان کے قیام کیلئے فوج 12 سے 15 اکتوبر تک سیکیورٹی کے معاملات سنبھالے گی،ضمنی انتخابات میں حصہ لینے کیلئے 661 امیدواروں نے کاغذات نامزدگی جمع کروائے جن میں 16 امیدواروں کے کاغذات مسترد اور 645 کے منظور ہوئے جو کل انتخاب لڑیں گے۔

مزید : قومی /علاقائی /اسلام آباد


loading...