" مولانا جس کشتی میں سوارہوں گے وہ ڈوبے گی، جس موٹر سائیکل پر سوار ہوں گے وہ پنکچر ہوگی" آزادی مارچ کے معاملے پرفیاض الحسن چوہان بھی میدان میں آگئے

" مولانا جس کشتی میں سوارہوں گے وہ ڈوبے گی، جس موٹر سائیکل پر سوار ہوں گے وہ ...

  


لاہور(آئی این پی) صوبائی وزیر فیاض الحسن چوہان نے کہا ہے کہ مولانا فضل الرحمان کو اس لانگ مارچ سے کچھ حاصل نہیں ہوگا، مولانا جس کشتی میں سوارہوں گے وہ ڈوبے گی۔تفصیلات کے مطابق صوبائی وزیر فیاض الحسن چوہان نے میڈیا سے گفتگو کرتے ہوئے کہا کہ مولانا صاحب جس موٹر سائیکل پر سوار ہوں گے وہ پنکچر ہوگی۔صوبائی وزیر نے کہا کہ زرداری اور نوازشریف کرپشن کے چنگل میں پھنسے ہوئے ہیں۔ انہوں نے کہا کہ مولانا صاحب کی منافقت میں کئی برسوں سے بے نقاب کر رہا ہوں۔فیاض الحسن چوہان نے کہا کہ مولانا صاحب کے دھرنے کو روکنے کی ضرورت محسوس نہیں ہوگی۔انہوں نے کہا کہ مدارس اورمساجد اسلام کا قلعہ ہیں، والدین بچوں کو مدارس میں پڑھنے کے لیے بھیجتے ہیں، والدین اپنے بچوں کو مولاناصاحب کے لیے نہیں بھیجتے۔صوبائی وزیر نے مزید کہا کہ مولانا صاحب کا کوئی ایجنڈا نہیں ہے، مولانا فضل الرحمان مفاد پرست لیڈر ہیں۔

مزید : علاقائی /پنجاب /لاہور


loading...