افغان فورسز کی بلا اشتعال فائرنگ اور پاکستان کا جواب ، سعودی عرب کا ردعمل آگیا
ریاض ( مانیٹرنگ ڈیسک ) پاک، افغان بارڈر پر افغان فورسز کی بلا اشتعال فائرنگ اور پاکستانی فوج کی جانب سے بھرپور جواب کے بعد سعودی عرب کا ردعمل آگیا۔
سعودی وزارت خارجہ کی جانب سے جاری بیان میں کہا گیا ہےکہ سعودی عرب کو اسلامی جمہوریہ پاکستان اور افغانستان کے درمیان سرحدی علاقوں میں ہونے والی کشیدگی اور جھڑپوں پر تشویش ہے۔
’’جیو نیوز ‘‘ کے مطابق سعودی عرب کا کہنا ہے کہ دونوں ممالک تحمل، کشیدگی سے گریز اور بات چیت اور حکمت کو اپنائیں، جو کشیدگی کو کم کرنے اور خطے کی سلامتی اور استحکام کو برقرار رکھنے میں معاون ثابت ہوگی۔سعودی عرب وہ تمام علاقائی اور بین الاقوامی کوششوں کے لیے اپنی حمایت کا اعادہ کرتا ہے، جن کا مقصد امن اور استحکام کو فروغ دینا ہے۔سعودی عرب ک امن و سلامتی کو یقینی بنانے کا خواہش مند ہے جس سے برادر پاکستانی اور افغان عوام کو استحکام اور خوشحالی حاصل ہوگی۔
