پاک فورسز افغان پوسٹوں کو کامیابی سے نشانہ بنا رہی ہیں، توپخانے کو مؤثر فائر کرتے دیکھا جا سکتا ہے، سیکیورٹی ذرائع

لاہور ( ڈیلی پاکستان آن لائن )  پاکستان فوج کی طرف سے افغان فورسز کے خلاف منہ توڑ جواب بھرپور طریقے سے جاری ہے۔

سیکیورٹی ذرائع نے بتایا ہے کہ رات گئے پاکستانی فورسز بھاری ہتھیاروں کے ساتھ پرجوش انداز میں افغان پوسٹوں کو کامیابی سے نشانہ بنا رہی ہیں، تازہ ترین ویڈیو میں توپخانے کو مؤثر فائر کرتے دیکھا جا سکتا ہے۔

اس سے قبل تازہ ترین ویڈیو سامنے آئی تھی  جس میں افغانستان کی کرم بارڈر کے مخالف افغان پوسٹیں  تباہ ہونے کے تازہ ترین مناظر  دیکھے جا سکتے ہیں ۔ ویڈیو میں افغان پوسٹوں کو مکمل طور پر مسمار ہوتے دیکھا جا سکتا ہے۔ویڈیو میں آگ بھی لگی دیکھی جا سکتی ہے ۔پاک فوج کے بھرپور جواب سے  افغان لاشیں چھوڑ کے بھاگ گئے ہیں ۔