کمپیوٹرائزد فرد و رجسٹری کی فراہمی بغیر کسی رکاو ٹ جاری ہے، رانا محمد ار شد

کمپیوٹرائزد فرد و رجسٹری کی فراہمی بغیر کسی رکاو ٹ جاری ہے، رانا محمد ار شد

لاہور(نمائندہ خصوصی) مشیر وزیر اعلی پنجاب رانا محمد ار شد نے کہا ہے کہ وزیر اعلی پنجاب کے ویژن کے مطابق پی ایم یو صوبے کے36 اضلاع کی 143تحصیلوں کی اراضی کا ریکارڈکمپیوٹرائزیشن کرنے کے بعد ٹائم ٹو ٹائم عوامی ریلیف کے اقدامات کرنے میں پیش پیش ہے۔ انہوں نے کہا کہ کمپیوٹرائزد فرد و رجسٹری کی فراہمی بغیر کسی رکاو ٹ و وقت کے ضیاع کے پی ایم یو صوبہ کا بہتر ین سروسز کی فراہمی اور سائلین کو بروقت ریلیف دینے کی طرف ایک اہم انقلابی اقدام ہے۔تمام افسران و اہلکاران کی کارکردگی کی مانیٹرنگ کے لئے کنٹرول روم قائم کر دیا گیا ہے۔دوران ڈیو ٹی آفیشلز کے فون استعمال کرنے پر پابندی لگا دی گئی ہے جبکہ سائلین کے آفیشلز ایریا میں بھی داخلے پر پابندی لگا دی گئی ہے۔ انہوں نے کہا کہ تمام افسران و اہلکاران مقرر ٹائم تک اپنی نشستوں پر براجمان ہونگے۔انہوں نے کہا کے پنجاب بھر کے دیہی مواضعات کے اراضی ریکارڈ کمپیو ٹرائزیشن کی تکمیل کے بعد منصوبے کے اگلے مرحلے کے تحت پنجاب کے شہری مواضعات کے اراضی ریکارڈ کی کمپیو ٹرائزیشن اورالیکٹرانک نقشہ جات کے منصوبہ جات کی تیاری کا آغاز کر دیا گیا ہے۔انہوں نے کہا کہ منصوبے کی تیاری اورعملدرآمد سے متعلق پیشہ ورانہ بین ا لاقوامی طریقہ کار اور تجربات کی روشنی میں ماہرین سے تجزیہ و مشاورت حا صل کر لی گئی ہے۔

مزید : میٹروپولیٹن 1

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...