حکومت کا 5 سالہ ٹیکسٹائل پالیسی جاری کرنے کا فیصلہ

12 ستمبر 2018

اسلام آباد (صباح نیوز)حکومت نے 5 سالہ ٹیکسٹائل پالیسی جاری کرنے کا فیصلہ کرلیا، وزیرخزانہ اسد عمر اور اپٹما رہنماؤ ں میں معاملات طے پاگئے۔اپٹما وفد نے گوہر اعجاز کی سربراہی میں وزیر خزانہ اسد عمر سے ملاقات کی، حکومت اور اپٹما رہنماؤں میں ٹیکسٹائل سیکٹر کی برآمدات بڑھانے پر اتفاق کیا گیا۔وزیر خزانہ نے ٹیکسٹائل ملز مالکان کو یقین دہانی کرائی کہ رواں ماہ 5 سالہ ٹیکسٹائل پیکج کا اعلان کر دیا جائے گا، نئے مراعاتی پیکج کے تحت ملک بھر میں بجلی اور گیس کے یکساں نرخ ہوں گے جبکہ اربوں روپے کے سیلز ٹیکس ریفنڈ بھی 31 دسمبر تک واپس کر دیئے جائیں گے۔اپٹما گروپ لیڈر گوہر اعجاز نے کہا کہ مراعاتی پیکج پر من و عن عمل ہوا تو برآمدات میں ایک سے 2 ارب ڈالر اضافہ ہو سکتا ہے۔

ٹیکسٹائل پالیسی

مزیدخبریں