بیگم کلثوم نواز کے انتقال پر مصباح الحق بھی غمگین ہو گئے، ایسا اعلان کر دیا کہ پوری قوم خراج تحسین پیش کرنے لگی

بیگم کلثوم نواز کے انتقال پر مصباح الحق بھی غمگین ہو گئے، ایسا اعلان کر دیا ...
بیگم کلثوم نواز کے انتقال پر مصباح الحق بھی غمگین ہو گئے، ایسا اعلان کر دیا کہ پوری قوم خراج تحسین پیش کرنے لگی

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

اسلام آباد (ڈیلی پاکستان آن لائن) پاکستان کرکٹ ٹیم کے سابق کپتان مصباح الحق نے سابق وزیراعظم نواز شریف کی اہلیہ بیگم کلثوم نواز کے انتقال کے باعث چلڈرن ہسپتال پراجیکٹ کی افتتاحی تقریب ملتوی کر دی ہے۔

بیگم کلثوم نواز طویل علالت کے بعد گزشتہ روز لندن کے ہارلے سٹریٹ کلینک میں 68 سال کی عمر میں انتقال کر گئیں جس کے باعث پوری قوم سوگ میں مبتلا ہے۔ مصباح الحق بھی اس اندوہناک خبر پر غمگین ہو گئے اور چلڈرن ہسپتال پراجیکٹ کی افتتاحی تقریب ملتوی کرنے کا اعلان کر دیا۔

انہوں نے سماجی رابطوں کی ویب سائٹ ٹوئٹر پر جاری اپنے پیغام میں کہا ”بیگم کلثوم نواز کے انتقال کی خبر نے واقعی دل توڑ دیا ہے۔ میں اور چلڈرن ہسپتال کی ٹیم دکھ کے اس غم میں بیگم کلثوم نواز کے اہل خانہ کے شانہ بشانہ کھڑے ہیں، ہم نے 14 ستمبر کو ہونے والی افتتاحی تقریب بھی ملتوی کر دی ہے، نئی تاریخ کا اعلان جلد کر دیا جائے گا۔“

مزید : قومی /کھیل