بھنگ کا استعمال،نیویارک پہلے کراچی دوسرے دہلی تیسرے نمبر پر

 بھنگ کا استعمال،نیویارک پہلے کراچی دوسرے دہلی تیسرے نمبر پر

  

کراچی(مانیٹرنگ ڈیسک)پاکستان کا معاشی حب کراچی بھنگ کے استعمال میں دنیا میں دوسرے نمبر پر آگیا۔بین الاقوامی سروے کے ادارے نے دنیا بھر میں بھنگ کے استعمال، اس کی قانونی حیثیت اور مختلف شہروں میں قیمت کے حوالے سے سروے کے نتائج شائع کئے ہیں۔ سروے میں 120 ممالک سے معلومات اکٹھی کی گئیں جس کے مطابق سال 2018 میں سب سے زیادہ بھنگ امریکی شہر نیویارک میں استعمال کی گئی جس کا تخمینہ 77.44 میٹرک ٹن ہے۔اس فہرست میں کراچی دوسرے نمبر پر ہے جہاں 41.95 میٹرک ٹن یعنی 41 ہزار 950 کلوگرام بھنگ استعمال کی گئی۔بھارتی دارالحکومت نئی دہلی، امریکی شہر لاس اینجلس، مصر کا دارالحکومت قاہرہ اور بھارتی شہر ممبئی بالترتیب تیسرے، چوتھے، پانچویں اور چھٹے نمبر ہیں۔اس فہرست میں لندن، شکاگو، ماسکو اور ٹورنٹو بھی شامل ہیں۔کراچی، قاہرہ اور لندن کے علاوہ باقی تمام ممالک میں بھنگ پر جزوی پابندی ہے۔

بھنگ کا استعمال

مزید :

صفحہ آخر -