ایک ملک اور دو قانون والا رجحان انتہائی خطرناک ہے، بلاول  

 ایک ملک اور دو قانون والا رجحان انتہائی خطرناک ہے، بلاول  

  

کراچی(این این آئی)پاکستان پیپلز پارٹی کے چیئر مین بلاول بھٹو زرداری نے کہاہے کہ ایک ملک اور دو قانون والا رجحان انتہائی خطرناک ہے چیئرمین پی پی پی بلاول بھٹو زرداری نے قائداعظم محمد علی جناح کی برسی پر اپنے ایک پیغام میں بابائے قوم کو شاندار الفاظ میں خراج عقیدت پیش کیا ہے بلاول بھٹو زرداری نے اپنے پیغام میں کہا کہ نظریہِ پاکستان ملک کی بنیاد ہے جو ملک کو دو پاکستان کے نظریئے کی جانب دھکیل رہے ہیں بہت بڑی ناانصافی کر رہے ہیں قائداعظم کے ویژن سے انحراف کرنے سے باز آجائیں انہوں نے کہاکہ پوری قوم کو یقینی بنانا ہوگا کوئی نظریئے پاکستان سے پیچھے نہ ہٹے، قائداعظم نے سیاسی و جمہوری جدوجہد کے ذریعے مسلمانوں کے لیے ملک قائم کیا انہوں نے مزید کہا کہ ایک ایسا ملک جہاں شاہی حکومتوں کے برعکس سب قانون کے آگے برابر ہوں گے وگرنہ آزادی سے پہلے ایک ملک میں کئی قانون ہوتے تھے بلاول بھٹو زرداری نے کہاکہ اس خطرناک رجحان کو ایک بار پھر ذاتی و سیاسی مفادات کی خاطر تقویت دی جا رہی ہے اس دوران انہوں نے بھٹو خاندان سے متعلق بات کرتے ہو ئے کہا ہے کہ شہید بھٹو اور شہید محترمہ بینظیر بھٹو نے نظریہ پاکستان اور اس کو مضبوط بنانے کے لیے جدوجہد کی اس مقصد کی حصول کی خاطر انہوں نے ملک کو پہلا متفقہ آئین، مضبوط دفاع، مستحکم معاشی ڈھانچہ دیا چیئرمین پی پی پی نے کہاکہ شہید بھٹو اور شہید محترمہ بینظیر بھٹو نے سماجی شعبے میں اصلاحات اور عوام کو بااختیار بھی بنایا پیپلز پارٹی قائداعظم کے ویژن و نظریئے کی علمبردار بنی رہے گی بلاول بھٹو زرداری نے کہا ہے کہ جب کبھی قائداعظم کے ویژن کو روندنے کی کوشش کی جائے گی پیپلز پارٹی اس کے خلاف مزاحمت کی پہلی صف میں ہوگی۔

بلا ول بھٹو 

مزید :

صفحہ اول -