سابق ڈی جی ایل ڈی اے احد چیمہ کو عدالت نے بری کر دیا 

سابق ڈی جی ایل ڈی اے احد چیمہ کو عدالت نے بری کر دیا 
سابق ڈی جی ایل ڈی اے احد چیمہ کو عدالت نے بری کر دیا 

  

لاہور (ڈیلی پاکستان آن لائن )عدالت نے سابق ڈی جی لاہور ڈویلپمنٹ اتھارٹی احد چیمہ کو ایل ڈی اے سٹی کیس میں بری کر دیا ہے ۔

تفصیلات کے مطابق احتساب عدالت نے احد چیمہ سمیت 10 ملزمان کو ایل ڈی اے سٹی کرپشن کیس میں بری کر دیا اور ملزمان کے خلاف تفتیش بند کرنے کی درخواست بھی منظور کرلی۔احتساب عدالت کے جج جواد الحسن نے نیب کی انویسٹی گیشن بند کرنے کی درخواست بھی منظور کر لی۔

نیب نے احد خان چیمہ سمیت دیگر ملزمان کے خلاف ایل ڈی اے سٹی کیس کی انویسٹی گیشن بند کرنے کی استدعا کی تھی۔ملزمان پر ایل ڈی اے سٹی میں کروڑوں روپے کی مبینہ کرپشن کرنے کا الزام تھا اور اس کیس میں سابق ڈی جی ایل ڈی اے احد چیمہ ڈیرھ سال گرفتار رہے۔

لاہور ہائیکورٹ نے احد چیمہ کی ضمانت منظور کی تھی لیکن احد چیمہ آمدن سے زائد اثاثوں کے کیس میں جوڈیشل ریمانڈ پر جیل میں قید ہیں۔

مزید :

قومی -