نکلوں جو یہاں سے توبھلا جاؤں کہاں اور | احسان دانش |
نکلوں جو یہاں سے توبھلا جاؤں کہاں اور
اس شہر کے لوگوں کا ہے د ل اور زباں اور
ہے میرے سوا بھی کوئی بیزارِ جہاں اور
آئی ہے کہیں اور سے آواز فغاں اور
اشکوں کی جدائی آب ہے پھولوں کا جد ارنگ
کیا خوب تجلی ہے یہاں اور وہاں اور
مشکل سے نکلتی ہے نظر اوڑھ کے آنسو
ملتی ہے کہاں رخصتِشا فریاد و فغاں اور
ہم اس کے ہوئے تو اسی در کے رہیں گے
ہوتا ہے تو ہونے دو دل و جاں کا زیاں اور
جھنکار سے خوابوں میں شگافوں کے نشاں ہیں
کھلواؤ یہاں کارگہِ شیشہ گراں اور
کہرام ہے کہرام مگر کون سنے گا
گلچیں کی زبان اور ہے گلشن کی زباں اور
عقبیٰ ہے معاون مرے دنیا کے سفر میں
یہ بوجھ اتاروں تو گزرتا ہے گراں اور
ہنس کر نہ کرو بات مہذب نہیں ماحول
بے رحم زمانے کو گزرتا ہے گراں اور
خوش کن تو سہی ترکِ محبت کاتصور
یہ آگ جو بجھتی ہے تو دیتی ہے دھواں اور
حق بات پہ دانش وہ بگڑتے ہیں تو بگڑیں
اک وہ بھی سہی سینکڑوں دشمن ہیں جہاں اور
شاعر: احسان دانش
(شعری مجموعہ: فصلِ سلاسل، سال اشاعت،1980)
ؓNiklun Jo Yahaan Say To Bhala Jaaun Kahan Aor
Iss Sehr K Logon Ka Hay Dil Aor Zubaan Aor
Hay Meray Siwa Bhi Koi Bezaar -e -Jahaan Aor
Aati Hay Kahen Aor Say Awaaz -e- Fughaan Aor
Ashkon Ki Juda Aab Hay Pholon Ka Juda Rang
Kaya Khoob Tajalli Hay Yahaan Aor Wahaan Aor
Mushkill Say Nikalti Hay Nazar Aorh K Aansu
Milti Hay Kahan Rukhsat -e- Faryaad -o- Fughaan Aor
Ham Uss K Huay Hen To Usi Dar K Rahen Gay
Hota Hay To Honay Do Dil -o- Jaan Ka Zayaan Aor
Jhankaar Say Khaabon Men Shagaafon K Nishaan Hen
Khulwaao Yahaan Kaar Gah -e- Sheesha Garaan Aor
Kohraam Hay Kohraam Magar Kon Sunay Ga
Gullcheen Ki Zubaan Aor Hay, Gulshan Ki Zubaan Aor
Uqba Hay Muaawan Miray Dunya K Safar Men
Yeh Bojh Utaaron To Guzarta Hay Garaan aor
Hans Kar Na Kro Baat Muhazzib Nahen Mahol
Be Rehm Zamaanay Ko Guzarta Hay Gumaaan Aor
Kush Kun To Sahi Tark - e- Muhabbat Ka Tasawwar
Yeh Aag Jo Bujhti Hay To Deti Hay Dhuaan Aor
Haq Baat Pe DANISH Wo Bigarrtay Hen To Bigrren
Ik Wo Bhi Sahi Senkarron Dushman Hen Jahaan Aor
Poet: Ehsan Danish