کراچی(ڈیلی پاکستان آن لائن)عالمی منڈی میں خام تیل کی قیمتیں کم ہونے پر پاکستان میں بھی پیٹرولیم مصنوعات سستی ہونے کا امکان ہے۔
نجی ٹی وی چینل جیونیوز کے مطابق انڈسٹری ذرائع کاکہنا ہے کہ عالمی منڈی میں تیل کی قیمتوں میں کمی پر پیٹرول 12روپے فی لٹر سستا ہونے کاامکان ہے،اسی طرح ڈیزل کی فی لٹر قیمت میں 12روپے کمی متوقع ہے،انڈسٹری ذرائع کامزید کہنا ہے کہ عالمی منڈی میں گرتی قیمتوں کے باعث مٹی کے تیل کی قیمت 8روپے تک کم ہونے کا تخمینہ لگایا گیا ہے جبکہ لائٹ ڈیزل کی قیمت 10روپے لیٹر تک کم ہونے کا تخمینہ لگایا گیا ہے۔
ذرائع کاکہنا ہے کہ حتمی قیمت 12تا14ستمبر کی عالمی قیمت کے اتار چڑھاؤ کے مطابق ہوگی،ٹیکس میں اضافہ بھی حتمی قیمت پر اثرانداز ہو سکتا ہے۔