موت کے بعد اپنی بیوی کو حاملہ کرنے والے شخص کے بچے کی پیدائش
سڈنی (نیوز ڈیسک) ایک آسٹریلوی شخص کی وفات کے دو دن بعد لئے گئے اس کے سپرم سے حاملہ ہونے والی اس کی بیوی نے ایک صحت مند بچے کو جنم دے دیا ہے۔
مزیدپڑھیں:بھارت کا وہ شرمناک گاﺅں جہاں ایک عورت کے کئی شوہر ہوتے ہیں
اخبار ”دی میٹرو“ کے مطابق آسٹریلوی شخص کی ہلاکت ایک حادثے کے دوران ہوئی تھی اور اس کی بیوی اس کی وفات کے بعد بھی اسی کے سپرم کی مدد سے حاملہ ہونے کی خواہشمند تھی لیکن چونکہ ڈاکٹر اس عمل کے بارے میں واضح موقف نہیں رکھتے تھے لہٰذا اسے سپریم کورٹ میں جانا پڑا جہاں سے دو دن بعد اس کی اجازت مل گئی۔ خاتون کو آئی وی ایف طریقہ حمل کے لئے ایڈیلیڈ سے کینبرا جانا پڑا کیونکہ ایڈیلیڈ میں یہ عمل غیر قانونی ہے۔
پروفیسر کیلٹن ٹریملن کا کہنا ہے کہ وہ اس عمل کا حصہ بننے کے لئے اس وقت تیار ہوئے جب انہیں احساس ہوا کہ خاتون اپنے دنیا سے چلے جانے والے شوہر کے ساتھ شدید محبت رکھتی ہے اور اسی کے بچے کی ماں بننا چاہتی ہے۔
