چنیوٹ میں قیمتی قدرتی معدنیات کے معاملہ کی انکوائری شروع

چنیوٹ میں قیمتی قدرتی معدنیات کے معاملہ کی انکوائری شروع

  

اسلام آباد (آئی این پی) قومی احتساب بیورو(نیب)کے چیئرمین جسٹس(ر) جاوید اقبال نے صوبہ پنجاب کے شہر چنیوٹ کے مقام پر قیمتی قدرتی معدنیات کے ذخائر قواعد و ضوابط کے برعکس ٹھیکہ دینے اور مبینہ بدعنوانی کا سخت نوٹس لیتے ہوئے ڈی جی نیب لاہور کو انکوائری کا حکم دیا تھا، ڈی جی نیب لاہور نے چیئرمین نیب کے احکامات کی روشنی میں باقاعدہ طور پر کمبائینڈانوسٹی گیشن ٹیم تشکیل دے کر معاملہ کی انکوائری شروع کر دی ہے، انکوائری ٹیم اس بات کا جائزہ لے گی کہ ماضی میں نیب نے انکوائری کیوں بند کی اور انکوائری بند کرنے کے ذمہ داران کون سے افسران تھے جس کی بنیاد پر ان افسران کے خلاف قانون کے مطابق کارروائی عمل میں لائی جائے گی۔ مزید برآں چیئرمین نیب نے حکم دیا ہے کہ معزز ہائی کورٹ اور معزز سپریم کورٹ آف پاکستان کے اس مقدمہ میں فیصلوں سے بھی رہنمائی حاصل کی جائے اور انکوائری تمام شواہد اور قانونی تقاضوں کو مدنظر رکھتے ہوئے مقررہ وقت کے اندر مکمل کی جائے، اس سلسلہ میں کوئی کوتاہی برداشت نہیں کی جائے گی۔

مزید :

صفحہ آخر -