گورنر پنجاب رفیق رجوانہ کی بیٹی کی گاڑی کا ایکسیڈنٹ ہو گیا
ساہیوال (ڈیلی پاکستان آن لائن)ساہیوال میں گورنر پنجاب رفیق احمد رجوآنہ کی بیٹی کی گاڑی کا یوسف والا کے قریب ایکسیڈینٹ ہو گیا۔
نجی چینل کے مطابق ایکسیڈنٹ میں گورنر پنجاب کی بیٹی انعم اور فلپائنی شہری فاطمہ معمولی زخمی ہوئے جنہیں ابتدائی طبی امداد کے بعد ڈسچارج کر دیا گیا۔گورنر پنجاب کی بیٹی لاھور سے ملتان جا رھی تھی جبکہ دوسری کلٹس کار لاہور جا رھی تھی۔ بی ایم ڈبلیو کار تیز رفتاری کے باعث بے قابو ہو گئی اور دوسرے ٹریک پر جانے والی کلٹس کار سے ٹکرا گئی جس میں سوار تین بچوں سمیت خاتون اور ایک شخص زخمی ہوا جنہیں ڈی ایچ کیو ہسپتال شفٹ کیا گیا جو ابھی تک اسپتال میں زیر علاج ھیں۔
گورنر کی بیٹی کی بی ایم ڈبلیو کو ڈرائیور نے جی ٹی روڈ پر لاک کیا اور موقع سے فرار ہو گیا۔عینی شاھدین کے مطابق بی ایم ڈبلیو کے ڈرائیور کی غلطی سے حادثہ پیش آیا پولیس نے تاحال کوئی بھی قانونی کاروائی نہیں کی۔