حوثی عدالت سے یمن کے چار صحافیوں کو سزائے موت

حوثی عدالت سے یمن کے چار صحافیوں کو سزائے موت

  

صنعاء (این این آئی)یمن میں ایرانی حمایت یافتہ حوثی ملیشیا کی صنعا میں قائم ایک نام نہاد عدالت کی طرف سے پانچ سال سے زیرحراست چار صحافیوں کو آئینی حکومت کا دفاع کرنے کی پاداش میں سزائے موت دینے کا حکم دیا ہے۔عرب ٹی وی کے مطابق سزا پانے والے صحافیوں کے وکیل عبدالمجیدہ صبرہ نے بتایا کہ صنعا کی فوجی عدالت (اسٹیٹ سیکیورٹی کورٹ)کے جج محمد مفلح نے ملزمان کی عدم موجودگی میں یہ فیصلہ سنایا۔ عدالتی فیصلے میں 10 صحافیوں کو پیش کیا گیا۔ایڈووکیٹ صبرہ نے سماجی رابطوں کی ویب سائٹ فیس بک پرپوسٹ کردہ ایک بیان میں کہا کہ صنعا کی فوجی عدالت نے چار صحافیوں عبدالخالق احمد عبدہ عمران، اکرم صالح الولیدی، حارث صالح حمید اور توفیق محمد ثابت المنصوری کو جاسوسی اور آئینی حکومت کا ساتھ دینے کے الزام میں بغاوت کا مرتکب قرار دینے کے بعد انہیں سزائے موت سنائی۔عدالت نے دیگر صحافیوں ھشام طرموم، ھشام الیوسفی، ھیثم راوح الشھاب، ھشام بلغیث، حسن عناب اور صلاح القاعدی کو تین سال تک پولیس کی سخت نگرانی میں رکھنے کا حکم دیا۔خیال رہے کہ حوثی ملیشیا نے پانچ سال پیشتر دس صحافیوں کو جبری طور پر اغوا کرنے کے بعد انہیں عقوبت خانوں میں غیرانسانی تشدد کا نشانہ بنایا۔

انہیں علاج اور طبی معاونت سیمحروم رکھا گیا اور اہل خانہ اور وکلا سیملنے کی اجازت بھی نہیں دی گئی۔

مزید :

علاقائی -