جرم جفا  کی ایسے بھی تکمیل ہوتی ہے۔۔۔

جرم جفا  کی ایسے بھی تکمیل ہوتی ہے۔۔۔
جرم جفا  کی ایسے بھی تکمیل ہوتی ہے۔۔۔

  IOS Dailypakistan app Android Dailypakistan app

پہلے  وفا  کی  روشنی  تحلیل ہوتی ہے
پھر کوئی ذات پیار کی تمثیل ہوتی ہے

سمجھو ہر اک برائی کی تشکیل ہوتی ہے
بچوں کی تربیت میں اگر ڈھیل ہوتی ہے

ہوتے ہیں بیچ  راہ  میں  دو ہمسفر جدا
جرم جفا  کی ایسے بھی تکمیل ہوتی ہے

ہم دوسروں سے وعدہ تو کرلیتے ہیں مگر
ہم  سے کہاں وفاؤں کی  تعمیل  ہوتی ہے

ہوتی  ہے ان کی آرزو  نانی کے گھر  چلیں
دو روزبھی جو بچوں کی تعطیل ہوتی ہے

سورج غروب  ہوتے  ہی دل کی منڈیر پر
روشن کسی کی یاد کی قندیل  ہوتی  ہے

دکھڑا  یہ لوگ  سن کے ترا مسکرائیں گے
اے دل نہ رو کہ رونے سے تذلیل ہوتی ہے

ملفوف  حسن  پیکر  اشعار   میں   ہلال
حالات  زندگانی  کی  تفصیل  ہوتی  ہے

کلام :اشرف ہلال قاسمی  (بھارت )

مزید :

شاعری -