حامد میر کے جانے کے بعدجیو نیوزکے مشہور پروگرام” کیپیٹل ٹاک“ کی میزبانی کس کو مل گئی؟ایسی خبر آگئی جس کا سب کو انتظار تھا
اسلام آباد(ڈیلی پاکستان آن لائن) جیو نیوز کے مشہور اینکر پرسن حامد نے 16 سال کے طویل عرصے بعد جیو نیوز سے راہیں جداکر لی ہیں،اب ان کی جگہ پروگرام کون کرے گا ایسی خبر آگئی جس کا سب کو انتظار تھا۔
تفصیلات کے مطابق جیو نیوز کے مشہور پروگرام ” کیپیٹل ٹاک “ میزبانی محمد جنید کو مل گئی ،محمد جنید گزشتہ کئی سالوں سے جیو نیوز کے ساتھ وابستہ ہیں انہوں نے کئی میزبانوں کی غیر موجودگی میں ان کے پروگراموں کی میزبانی کی ،اب حامد میر کے جانے کے بعد جیو نیوز انتظامیہ نے انہیں کیپیٹل ٹاک کی میزبانی کے لئے چن لیا ہے ۔
اس حوالے سے انہوں نے سماجی رابطوں کی سائیٹ ٹویٹر پر پوسٹ کرتے ہوئے کہا کہ آج رات کیپیٹل ٹاک کی میزبانی کروں گا ،یہ پاکستان کا سب سے پرانا سیاسی پروگرام جسے حامد میر 16 سال سے چلا رہے تھے اب جب وہ جیو نیوز کے ساتھ نہیں ہے تو یہ پروگرام میں کروں گا ،یہ میرے لئے اعزاز سے کم نہیں لیکن مشکل وقت میں ایک بڑی ذمہ داری بھی ہے۔
Hosting #CapitalTalk on @geonews_urdu tonight for few weeks the longest running Political Show in Pakistan hosted by @HamidMirPAK for 16 years before he parted ways with Geo Television Network. An honour for me but a huge responsibility in the most challenging times #Pakistan pic.twitter.com/mKt75ReG8a
— Muhammad Junaid (@junaidmuhammadd) August 13, 2018
ان کی ٹویٹ کو جیو نیوز کی مشہور اینکر رابعہ انعم عبید نے ری ٹویٹ کرتے ہوئے کہا کہ میں بہت خوش ہوں اپنے سب سے عزیز دوست محمدجنید کو جیو نیوز کے پروگرام کیپیٹل ٹاک کی میزبانی کرتے ہوئے دیکھوں گی۔
جس پر انہوں نے رابعہ انعم کا شکریہ ادا کیا ۔
واضح رہے جیونیوز کے پروگرام کی میزبانی گزشتہ 16 سالوں سے مشہور اینکر پرسن حامد میرکر رہے تھے لیکن انہوں نے جی این این کو بطور صدر جوائن کر لیا ہے۔
