مودی کو گجرات میں مسلمانوں کا قتل عام کروانے پر حکومت تحفے میں دی گئی ، تحریک انصاف
اسلام آباد (ڈیلی پاکستان آن لائن) تحریک انصاف کے سیکرٹری جنرل عامر محمود کیانی نے کہا مودی نے گجرات میں مسلمانوں کا قتل عام کروایا ، مودی کو گجرات میں مسلمانوں کے قتل عام پر حکومت تحفے میں دی گئی ۔
اسلام آباد میں پریس کانفرنس کرتے ہوئے عامر محمودکیا نی نے کہا کہ مودی نے گجرات میں مسلمانوں کا قتل عام کروایا ، کشمیر عالمی سطح پر تسلیم شدہ متنازعہ علاقہ ہے ، مقبوضہ کشمیر میں جاری بھارتی مظالم آر ایس ایس کے نظریے کا ثبوت ہیں۔ انہوں نے کہا کہ وزیر اعظم کل آزاد کشمیر جارہے ہیں ، قانون ساز اسمبلی سے خطاب کریں گے ، کشمیر کے ساتھ کھڑے ہیں اورکھڑے رہیں گے ۔
ان کا کہنا تھاکہ کشمیر میں 70سال سے ظلم ہورہا ہے ،مودی کو گجرات میں مسلمانوں کے قتل عام پر حکومت تحفے میں دی گئی ۔ انہوں نے کہا کہ کشمیر ہمارے دلوں میں دھڑکتاہے ،جب تک کشمیر ظلم کا شکار ہے ، ہماری کوئی عیدعید نہیں ہے ، کشمیر کاغذ کے محتاج نہیں ، ان کے جذبے سے ہی مسئلہ کشمیر حل ہوگا ۔