عید کا دوسرا روز ،مقبوضہ وادی میں کشمیری عید کے دوسرے روز بھی قربانی ادا نہ کر سکے

عید کا دوسرا روز ،مقبوضہ وادی میں کشمیری عید کے دوسرے روز بھی قربانی ادا نہ ...
عید کا دوسرا روز ،مقبوضہ وادی میں کشمیری عید کے دوسرے روز بھی قربانی ادا نہ کر سکے

  


سری نگر(ڈیلی پاکستان  آن لائن)مقبوضہ کشمیر میں بھارتی فوج  کے مظالم سے نہتے اور مظلوم  کشمیریوں کی مشکلات میں اضافہ ہو گیا ،عید کے دوسرے روز بھی کشمیری عوام سنت ابراہیمیؑ ادا نہ کرسکے۔

کشمیر میڈیا سروس کے مطابق مقبوضہ کشمیر کے شہری مسلسل کرفیو کے باعث اور اجازت نہ ملنے کےباعث عید کے دوسرے روز بھی قربانی سے محروم رہے، مقبوضہ کشمیر میں بھارتی قابض حکومت کے ظالمانہ اقدام سے کشمیری شدید مشکلات کا شکار ہیں، انہیں نہ گزشتہ روز نمازِ عید کی ادائیگی کی اجازت ملی اور نہ وہ قربانی کر سکے۔ مقبوضہ کشمیر میں مسلسل نویں روز بھی کرفیو نافذ ہے، مواصلاتی نظام کا بلیک آؤٹ جاری ہے، انٹر نیٹ اور موبائل سروس بھی بند ہے۔اسی صورتِ حال کا مقبوضہ کشمیر کے شہریوں کو آج بھی سامنا رہا اور وہ آج عید الاضحیٰ کے دوسرے روز بھی قربانی کا فریضہ انجام نہ دے سکے۔دوسری جانب مقبوضہ وادی کے گھروں میں کھانے پینے کی اشیاء کی قلت پیدا ہو گئی ہے، دوائیں ناپید ہوگئی ہیں، جبکہ بیماروں کا ہسپتالوں تک پہنچنا ناممکن ہو گیا ہے۔

مزید : اہم خبریں /قومی