بائیو سیکیور پروٹوکول کی خلاف ورزی، محمد حفیظ کی کورونا وائرس رپورٹ آ گئی
ساؤتھمپٹن (ڈیلی پاکستان آن لائن) قومی کرکٹ ٹیم کے سینئر آل راﺅنڈر محمد حفیط کے کورونا وائرس ٹیسٹ کی رپورٹ منفی آنے پر انہیں کلیئر قرار دیدیا گیا ہے اور اب انہیں قرنطینہ اختیار نہیں کرنا ہو گا۔
تفصیلات کے مطابق بائیو سیکیور ببل کی خلاف ورزی کرنے والے محمد حفیظ کیلئے خطرہ ٹل گیا اور انہیں کورونا ٹیسٹ کی رپورٹ منفی آنے پر ٹیم انتظامیہ نے انہیں سکواڈ میں شامل کر لیا گیا ہے۔ محمد حفیظ ٹیم جوائن کرنے کے بعد ہوٹل میں بائیو سیکیور ببل میں دیگر کھلاڑیوں کے ہمراہ موجود ہیں۔
Met an inspirational Young lady today morning at Golf course. She is 90+ & & living her life healthy & happily.Good healthy routine ???????????? pic.twitter.com/3tsWSkXl1E
— Mohammad Hafeez (@MHafeez22) August 12, 2020
واضح رہے کہ انگلینڈ میں موجود ٹی 20 سکواڈ میں شامل محمد حفیظ بائیو سیکیور ماحول کی خلاف ورزی کے مرتکب پائے گئے تھے جنہوں نے ایجز باﺅل سے متصل گالف کورس میں ایک 90 سالہ خاتون کیساتھ تصویر بنوائی اور اسے اپنے سوشل میڈیا اکاﺅنٹ پر اپ لوڈ بھی کیا۔
انگلینڈ میں کورونا پروٹوکولز کے تحت سماجی فاصلے کو دو میٹر تک برقرار رکھنا لازمی ہے تاہم تصویر میں بظاہر حفیظ نے اس فاصلے کو برقرار نہیں رکھا جس کے بعد کسی بھی خطرے کے پیش نظر پی سی بی نے فوری ایکشن لیتے ہوئے محمد حفیظ کو آئیسولیشن میں بھیج دیا تھا۔ پی سی بی کا کہنا تھا کہ محمد حفیظ کا کورونا کا ٹیسٹ لے لیا گیا ہے جس کی رپورٹ منفی آنے کے بعد ہی انہیں سکواڈ میں شامل کیا جائے گا۔
یاد رہے کہ بائیو سیکور ماحول کی خلاف ورزی پر انگلینڈ کے فاسٹ باﺅلر جوفر آرچر کو ویسٹ انڈیز کے خلاف دوسرے ٹیسٹ سے بطور سزا باہر کیا گیا تو اب کاو¿نٹی کرکٹر شائقین کے ساتھ تصویر بنانے پر ڈراپ کیا گیا ہے۔