ایف آئی اے نے عمران خان سے پارٹی کے تمام ملکی و غیر ملکی کرنسی اکاؤنٹس اور ڈونرز کی تفصیلات مانگ لیں
اسلام آباد (ڈیلی پاکستان آن لائن) فیڈرل انویسٹی گیشن ایجنسی ( ایف آئی اے ) نے چیئرمین پاکستان تحریک انصاف عمران خان سے پارٹی کے تمام ملکی و غیر ملکی کرنسی اکاؤنٹس اور عطیات دینے والوں کی تفصیلات طلب کر لیں ۔
نجی ٹی وی "دنیا نیوز" کے مطابق ایف آئی اے نے چیئرمین پی ٹی آئی کو خط لکھا جس میں پارٹی کے تمام ملکی و غیر ملکی کرنسی اکاؤنٹس کی تفصیلات، فنڈز دینےوالے تمام غیر ملکی ڈونرز کی تفصیلات اور پارٹی فنڈز کی آڈٹ رپورٹ 2ہفتے میں فراہم کرنے کا کہا ۔
نجی ٹی وی کے مطابق خط میں کہاگیا کہ پارٹی کو چندے کے طور پر ملنے والی اراضی کی تفصیلات بھی فراہم کریں ، پارٹی کا فراہم کردہ ریکارڈ 1996 سے 2022 تک ہونا چاہئے ۔
چیئرمین پی ٹی آئی سے تمام آفس ہولڈرز کے نام اور شہریت کی تفصیلات بھی طلب کی گئیں ۔
