اداکارہ مدیحہ افتخار اگلے ہفتے نجی دورے پر امریکہ روانہ ہونگی

لاہور (این این آئی ) اداکارہ و ماڈل مدیحہ افتخار اگلے ہفتے نجی دورے پر امریکہ روانہ ہوں گی ۔ بتایا گیا ہے کہ مدیحہ افتخار نے اپنی تمام مصروفیات ترک کر کے امریکہ روانہ ہونے کی تمام تر تیاریاں مکمل کرلی ہیں ۔ اس حوالے سے مدیحہ افتخار کا کہنا ہے کہ انسان مسلسل کام کرکے تھک جاتا ہے ، ذہن و دل کو سکون فراہم کرنے کیلئے تفریح بڑی ضروری ہے ۔ دورہ امریکہ میں دوستوں ورشتہ داروں سے ملاقات کرونگی جن سے شوبز کی مصروفیات کی وجہ سے بڑی مدت سے ملاقات نہیں ہوسکی ۔