ملتان میں پی آئی اے کی تحقیقاتی ٹیم نے معائنے کے بعد اے ٹی آر طیارے کو کلیئر قرار دے دیا

ملتان میں پی آئی اے کی تحقیقاتی ٹیم نے معائنے کے بعد اے ٹی آر طیارے کو کلیئر ...
ملتان میں پی آئی اے کی تحقیقاتی ٹیم نے معائنے کے بعد اے ٹی آر طیارے کو کلیئر قرار دے دیا

  

ملتان(آئی این پی)ملتان میں پی آئی اے کے پانچ انجینئرز پر مشتمل تحقیقاتی ٹیم نے معائنے کے بعد اے ٹی آر طیارے کو کلیئر قرار دے دیا ہے، تحقیقاتی ٹیم کے مطابق طیارے میں کوئی تکنیکی خرابی نہیں تھی۔دوسری طرف پی آئی اے حکام نے بھی ملتان میں اے ٹی آر طیارے کے انجن میں آگ لگنے کی خبروں کو بنیاد قراردیا ہے ۔

تفصیلات کے مطابق ملتان ایئرپورٹ پر گزشتہ دنوں ٹیک آف سے قبل اے ٹی آر طیارے کے انجن میں مبینہ طور پر آگ لگ گئی تھی،جس کے باعث طیارے کو گراؤنڈ کر دیا گیا۔ گزشتہ روز کراچی سے پی آئی اے کے پانچ انجینئرز پر مشتمل تحقیقاتی ٹیم ملتان پہنچی اورطیارے کا معائنہ کیا۔ معائنے میں تحقیقاتی ٹیم نے اے ٹی آر کو کلئیر قرار دے دیا ہے۔ تحقیقاتی ٹیم کے مطابق طیارے میں کوئی فنی خرابی نہیں تھی پائلٹ کے کاک پٹ میں نو سگنل ہوتے ہیں جن میں سے کسی ایک نے بھی خرابی کی نشاندہی نہیں کی۔

قبل ازیں پی آئی اے حکام کا بھی کہنا تھا کہ ملتان میں اے ٹی آر طیارے کی انجن میں آگ لگنے کی خبریں بے بنیاد ہیں۔ْطیارے کے گرد فائربریگیڈ کی گاڑیاں ہوائی اڈے کی جانب سے حفاظتی اقدامات کی وجہ سے پہنچائی گئی تھیں جو کہ ہر ہوائی اڈے پر ایسے حالات میں معمول کی کارروائی ہوتی ہے۔

مزید : ملتان