نیشنل ایکشن پلان کے تحت خیبرپختونخواہ میں 25 ہزار سے زائد آپریشنز، 3 لاکھ سے زائد افراد کو حراست میں لیا گیا
پشاور (ڈیلی پاکستان آن لائن) خیبرپختونخواہ میں نیشنل ایکشن پلان پر عملدرآمد جاری ہے اور گزشتہ 2 سال میں 25 ہزار 145 آپریشنز کئے گئے۔ تفصیلات کے مطابق نیشنل ایکشن پلان کے تحت خیبرپختونخواہ میں گزشتہ 2 سال کے دوران 25 ہزار 145 آپریشنز کئے گئے اور 3 لاکھ سے زائد مشکوک افراد کو حراست میں لیا گیا۔ ذرائع کے مطابق 46 ہزار 900 سے زائد ہتھیار اور 15 لاکھ 3 ہزار کارتوس برآمد ہوئے جبکہ 2 سال کے دوران غیر قانونی طور پر مقیم 34 ہزار 448 افغانیوں کو ڈی پورٹ کیا گیا ۔
