کرپشن ملک کاکینسر ہردواسے علاج کرنے کی کوشش کریں گے،ملک نذیرنے مری جائیدادکابھانڈاپھوڑدیا:عارف علوی
اسلام آباد (ڈیلی پاکستان آن لائن)پاکستان تحریک انصاف کے رہنماعارف علوی نے کہاہے کہ کرپشن ملک کاکینسر ہے ،جس کاعلاج ہردواسے کرنے کی کوشش کریں گے ،شریف فیملی کی مری میں جائیدادسے متعلق بھی انکشافات ہورہے ہیں۔
نجی ٹی وی کے پروگرام میں گفتگوکرتے ہوئے عارف علوی نے کہاکہ شریف فیملی کی مری میں جائیدادسے متعلق بھی انکشافات ہورہے ہیں ،یہ جائیدادملک نذیرنے کلثوم نوازکے والدکوتحفے میں دی اورملک نذیرنے مری کی جائیدادکابھانڈاپھوڑدیاہے ،انہیں خودمعلوم نہیں کہ جائیدادکب خریدی تھی بے نامی جائیدادوں سے متعلق ابھی اوربھی بہت کچھ سامنے آئے گا۔انہوں نے کہاکہ آپریشن اس ملک کاسب سے بڑاکینسرہے اوراس کینسرکے علاج کے لئے ہم ہردواسے کوشش کریں گے ۔انہوں نے کہاکہ پانامہ کیس کامعاملہ تحریک انصاف کی جدوجہد کی وجہ سے آگے بڑھاتحریک انصاف کی تحریک کے باعث اس معاملے کی سماعت ہورہی ہے ۔انہوں نے کہاکہ تحریک استحقاق جمع کراناہماراقانونی اورآئینی حق ہے ،پارلیمنٹ میں جھوٹ بولاگیاجس پرآوازاٹھائیں گے ،وزیراعظم نے پارلیمنٹ میں جانے کامقصدہے کہ وزیراعظم کے جھوٹ کانوٹس لیاجائے۔