مقبوضہ کشمیر : انسانی حقوق کمیشن نے فرانسیسی صحافی کی گرفتاری کی وضاحت طلب کرلی

مقبوضہ کشمیر : انسانی حقوق کمیشن نے فرانسیسی صحافی کی گرفتاری کی وضاحت طلب ...

سرینگر(آن لائن)مقبوضہ کشمیر میں انسانی حقوق کمیشن نے پیلٹ متاثرین پر ڈاکو مینٹری بنانے والے فرانسیسی صحافی کی گرفتاری پربھارتی پولیس کو وضاحت پیش کرنے کے لیے کہا ہے۔میڈیا رپورٹ کے مطابق فرانسیسی صحافی Paul Comitiکو بھارتی پولیس نے 9دسمبر کو اس وقت گرفتارکیاتھا جب وہ سرینگر کے پرتاپ پارک میں دھرنے پر بیٹھے بھارت کی ریاستی دہشت گردی کے متاثرین کی ڈکو مینٹری بنارہا تھا۔پولیس نے ان کے خلاف پاسپورٹ ایکٹ کے تحت کیس درج کرلیا اوروہ کوٹھی باغ تھانے میں نظربندہیں۔ اس سلسلے میں انسانی حقوق کے معروف کارکن محمد احسن انتو نے انسانی حقوق کمیشن کو درخواست دی تھی جو منظور کرلی گئی۔ کمیشن نے انسپکٹر جنرل پولیس اور سینئر سپر انٹنڈنٹ پولیس کو نوٹس جاری کرکے صحافی کی گرفتاری سے متعلق وضاحت پیش کرنے کے لیے کہا ہے۔ محمد احسن انتو نے درخواست میں کہا ہے کہ وہ یہ جاننا چاہتے ہیں کہComitiکو پیشہ ورانہ فرائض انجام دیتے ہوئے کیوں گرفتار کیا گیا۔ پولیس سے مذکورہ صحافی کو کمیشن کے سامنے پیش کرنے کے لیے کہاجائے تاکہ وہ اپنی پوزیشن واضح کرے۔یہ بات قابل ذکر ہے کہ Comitiایک ایوارڈ یافتہ صحافی ہے۔

Back to

مزید : عالمی منظر