سب کچھ پہلے کی طرح ، تحریک انصاف کی حکومت کوئی تاریخ رقم نہیں کررہی :مظہر عباس کی رائے

اسلام آباد (ڈیلی پاکستان آن لائن) تجزیہ کار مظہرعباس نے کہاہے کہ تحریک انصاف کی حکمت میں کوئی تاریخ رقم نہیں ہورہی ، چیئر مین پی اے سی کے حوالے سے حکومت کوپہلے ہی سمجھ لیناچاہئے تھا ۔

جیونیوز کے پروگرام ”رپورٹ کارڈ “ میں گفتگو کرتے ہوئے مظہر عباس نے کہا کہ وزیر اعظم کو صحافیوں کی گرفتاری کانوٹس لینا چاہئے ۔ تحریک انصاف کوپہلے ہی سوچناچاہئے تھا کہ بات چیت سے راستے نکلتے ہیں ، حکومت اگر پبلک اکاﺅنٹس کمیٹی کے ڈھانچے کی بناوٹ کے حوالے سے پہلے ہی یہ بات سمجھ لیتی تو بات اتنی نہ بڑھتی ۔
انہوں نے کہاکہ صوبوں میں بھی پبلک اکاﺅنٹس کمیٹی کا چیئرمین اپوزیشن لیڈر کوہوناچاہئے ، تحریک انصاف کی حکومت میں کوئی تاریخ رقم نہیں ہورہی بلکہ تمام چیزیں پہلے کی طرح ہورہی ہیں۔