نواز شریف کے پلیٹ لیٹس دوبارہ کم، کل امریکہ منتقل کئے جانے کا امکان 

  نواز شریف کے پلیٹ لیٹس دوبارہ کم، کل امریکہ منتقل کئے جانے کا امکان 

  



لاہور(آن لائن)سابق وزیر اعظم نواز شریف کے امریکا کے قدیم میساچوسٹس جنرل ہسپتال میں علاج کیلئے رابطہ کرلیا گیا۔سابق وزیر اعظم نواز شریف کے اہل خانہ نے نواز شریف کے دل ودماغ کو خون فراہم کرنیوالی بند شریانوں کو کھلوانے کیلئے امریکہ کے قدیم میساچوسٹس جنرل ہسپتال میں علاج کیلئے رابطہ کرلیا اور عندیہ دیا ہے کہ نواز شریف ہفتے کو لندن سے امریکا علاج کی غرض سے روانہ ہوجائیں گے جہاں وہ مذکورہ ہسپتال میں اپنی شہ رگ کے قریب بند شریانوں کوکھلوانے کیلئے معائنہ کرائیں گے۔ نواز شریف کی گردن کی شریانیں 90 فیصد بلاک ہیں جبکہ دل کو خون فراہم کرنیوالی شریانوں میں پہلے ہی 5 سٹنٹ ڈالے گئے ہیں ان میں سے 3 سٹنٹ بند پڑے ہیں۔دوسری جانب کرسمس کی چھٹیوں کے باعث سابق وزیراعظم نواز شریف کے دماغ کو خون پہنچانے اور دل کی شریانوں کے حوالے سے چیک اپ کیلئے ڈاکٹر سے وقت نہ مل سکا۔لندن میں میڈیا سے گفتگو کرتے ہوئے مسلم لیگ (ن) کے صدر شہباز شریف نے بتایا کہ نواز شریف کا دوبارہ طبی معائنہ کیا گیا۔ ڈاکٹر سے وقت لیا جا رہا ہے لیکن کرسمس کی چھٹیاں آ رہی ہیں اس لئے چھٹیوں کے بعد ہی ڈاکٹر سے وقت مل پائے گا اور چھٹیوں کے بعد ہی چند ٹیسٹ ہونگے۔ ذرائع کے مطابق گزشتہ روز کئے گئے بلڈ ٹیسٹ کے مطابق نواز شریف کے پلیٹ لیٹس کی تعداد دوبارہ کم ہوگئی اور ڈاکٹرز نے اگلے ہفتے دوبارہ نواز شریف کو بلایا ہے۔

نوازشریف 

مزید : صفحہ اول