ضم شدہ اضلاع کیلئے فنڈز کس نے بند کر دیئے۔۔؟ مزمل اسلم نے شخصیت کا نام بتا دیا
پشاور ( ڈیلی پاکستان آن لائن ) ضم شدہ اضلاع کیلئے فنڈز کس نے بند کر دیئے۔۔؟ مشیرِ خزانہ خیبر پختون خوا مزمل اسلم نے شخصیت کا نام بتا دیا ۔
تفصیلات کے مطابق مشیرِ خزانہ خیبر پختون خوا مزمل اسلم نے اپنے بیان میں بتایا ہے کہ چیئرمین پلاننگ کمیشن احسن اقبال نے ضم شدہ اضلاع کے لیے فنڈز بند کر دیئے ہیں۔ احسن اقبال نے 2022ء میں بھی یہی کیا تھا، اس طرح کے کام قابلِ قبول نہیں، وعدے کے مطابق یہ ضم اضلاع کا حق ہے۔
"جنگ " کے مطابق اُنہوں نے کہا کہ وزیرِاعظم اور وزیرِخزانہ ضم اضلاع کے ترقیاتی فنڈز کے معاملے کا نوٹس لیں۔ صوبوں کو بھی آئی ایم ایف کی جانب سے دیئے گئے ہدف حاصل کرنے ہیں۔صوبےکے ہدف میں کوئی اونچ نیچ ہوئی تو ہم ذمےداری نہیں لیں گے۔ خیبر پختون خوا کی کارکردگی جان بوجھ کر خراب کرنے سے گریز کیا جائے۔
