مسجد میں 4 خودکش حملہ آور داخل ہوئے، 3 نے دھماکے کر دیئے: اے آئی جی شفقت ملک
پشاور (مانیٹرنگ ڈیسک) اے آئی جی بم ڈسپوزل سکواڈ شفقت ملک نے کہا ہے کہ مسجد میں 4 خودکش بمبار داخل ہوئے جن میں سے 3 سے خود کو دھماکے سے اڑا لیا۔ تفصیلات کے مطابق میڈیا سے گفتگو کرتے ہوئے شفقت ملک کا کہنا تھا کہ حملہ آوروں میں 4خود کش حملہ آور شامل تھے جن میں سے 3 نے خود کو دھماکے سے اڑا لیا جبکہ ایک خودکش حملہ آور کی جیکٹ نہ پھٹ سکی جسے ناکارہ بنا دیا گیا ہے۔ شفقت ملک نے بتایا کہ بم ڈسپوزل سکواڈ نے مسجد سے ملنے والے 3 دستی بموں کو بھی ناکارہ بنایا ہے۔