انسداد دہشتگردی عدالت کے فیصلے کے خلاف مشال کے بھائی ایمل خان نے پشاور ہائیکورٹ سے رجوع کرلیا

انسداد دہشتگردی عدالت کے فیصلے کے خلاف مشال کے بھائی ایمل خان نے پشاور ...
انسداد دہشتگردی عدالت کے فیصلے کے خلاف مشال کے بھائی ایمل خان نے پشاور ہائیکورٹ سے رجوع کرلیا

پشاور (ڈیلی پاکستان آن لائن)انسداد دہشتگردی عدالت کے فیصلے کے خلاف مشال خان کے بھائی ایمل خان نے پشاور ہائیکورٹ میں درخواست دائر کردی۔

تفصیلات کے مطابق ولی خان یونیورسٹی میں ہجوم کے ہاتھوں مارے جانے والے طالبعلم مشال خان کے بڑے بھائی ایمل خان نے انسداد دہشتگردی عدالت کے فیصلے کے خلاف پشاور ہائیکورٹ سے رجوع کرلیا ہے۔ ایمل خان نے اپنی درخواست میں استدعا کی ہے کہ مشال قتل کیس میں بری کیے گئے ملزموں کے خلاف دوبارہ مقدمہ چلایا جائے۔

واضح رہے کہ 7 فروری کو مشال قتل کیس میں گرفتار 58 ملزموں کوسنٹرل جیل ہری پور میں انسداد دہشتگردی عدالت کے جج فضل سبحان کے سامنے پیش کیا گیا۔ جج فضل سبحان نے مشال قتل کیس کے ایک مجرم کو سزائے موت ، پانچ کو عمر قید اور25 کو 4-4سال قیدکی سزا سنائی تھی جبکہ 26 ملزموں کو شک کا فائدہ دے کر رہا کردیا تھا،ملزموں کو سزا ٹولیو ں کی شکل میں بلا کر سنائی گئی تھی ۔ خیبر پختونخوا پولیس اور مشال کے اہلخانہ نے انسداد دہشتگردی عدالت کے فیصلے کے خلاف پشاور ہائیکورٹ سے رجوع کا اعلان کیا تھا۔

مزید : Breaking News /اہم خبریں /قومی /علاقائی /خیبرپختون خواہ /پشاور

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...