عمران طاہر نے میچ کے دوران نسل پرستانہ گالی ملنے کے بعد پہلا بیان جاری کر دیا، ایسی بات کہہ دی کہ ہر کوئی انہیں داد دینے پر مجبور ہو گیا
جوہانسبرگ (ڈیلی پاکستان آن لائن) جنوبی افریقہ کے کھلاڑی عمران طاہر کو بھارت کیخلاف چوتھے ون ڈے میچ کے دوران تماشائی کی جانب سے نسل پرستانہ گالی دی گئی تو ایک ہنگامہ کھڑا ہو گیا اور ویڈیو سوشل میڈیا پر وائرل ہونے کے بعد دنیا بھر سے عمران طاہر کو حمایت ملنے لگی۔
عمران طاہر اس میچ کیلئے ٹیم کا حصہ تو نہیں تھے لیکن جب تماشائی کی جانب سے انہیں نسل پرستانہ جملے کہے گئے تو وہ برداشت نہ کر سکے اور سٹینڈز میں چلے گئے اور سیکیورٹی اہلکاروں نے مذکورہ شخص کو سٹیڈیم سے باہر نکال دیا۔ بعد ازاں جنوبی افریقی کرکٹ بورڈ نے اس کی تصدیق بھی کی اور وضاحتی بیان بھی جاری ہے لیکن اب عمران طاہر نے خود بھی سماجی رابطوں کی ویب سائٹ پر ایسا بیان جاری کیا ہے کہ پوری دنیا انہیں داد دینے پر مجبور ہو گئی ہے۔
سماجی رابطوں کی ویب سائٹ ٹوئٹر پر جاری اپنے پیغام میں عمران طاہر نے کہا کہ ”بھرپور پیار اور حمایت ملنے پر آپ سب کا بہت مشکور ہوں۔ میں بہت سادہ آدمی ہوں اور ملک، رنگ اور مذہب سے بالاتر ہو کر سب سے محبت کرتا ہوں۔ میں نے پوری دنیا میں کرکٹ کھیلی ہے اور صرف دوست ہی بنائیں گے۔۔۔ بہت بہت پیار“
Thanking every one for your support and love really humbled.Iam a very simple person who believes in showing love to everyone regardless of country , color or religion.I have played cricket all over the world and have only made friends.Much love ????
— Imran Tahir (@ImranTahirSA) February 12, 2018
عمران طاہر کی جانب سے محبت بھرا پیغام جاری ہونے کے بعد ناصرف مداح انہیں سراہ رہے ہیں بلکہ ان کے مخالفین بھی داد دینے پر مجبور ہو گئے ہیں۔