سوشل میڈیا پلیٹ فارمز کی رجسٹریشن لازمی قرار، وفاقی کابینہ نے منظوری دیدی

      سوشل میڈیا پلیٹ فارمز کی رجسٹریشن لازمی قرار، وفاقی کابینہ نے منظوری ...

  



اسلام آباد (سٹاف رپورٹر، مانیٹرنگ ڈیسک، نیوز ایجنسیاں)وفاقی حکومت نے سوشل میڈیا کو کنٹرول کرنے کے قوانین بنا لیے۔ نجی ٹی وی نے ذرائع کے حوالے سے بتایاکہ وفاقی کابینہ نے نئے سوشل میڈیا قوانین کی منظوری دیدی، جس کے تحت یوٹیوب سمیت سوشل میڈیا پر بنائے جانیوالے مقامی پلیٹ فارمز کی رجسٹریشن کرانا لازمی قرار دیدی گئی ہے۔ و ز ا ر ت انفارمیشن ٹیکنالوجی کے حکام کا کہنا ہے کہ قوانین کو الیکٹرانک کرائمز ایکٹ کا حصہ بنادیا گیا، جس پر عملدرآمد شروع ہوچکا ہے۔حکام نے تصدیق کی ہے کہ قانون نافذ کرنیوا لے، انٹیلی جنس ادارے قابل اعتراض مواد پر کارروائی کرسکیں گے۔ذرائع کا کہنا ہے کہ تمام عالمی سوشل میڈیا پلیٹ فارمز اور کمپنیوں پر پاکستان میں رابطہ افسر تعینات کرنے کی شرط عائد کی گئی ہے جبکہ تمام سوشل میڈیا پلیٹ فارمز اور کمپنیوں کو ایک سال کے اندر پاکستان میں ڈیٹا سرور بنانا ہوں گے۔قومی اداروں، ملکی سلامتی کیخلاف بات کرنیوالوں کیخلا ف کارر و ائی ہوسکے گی۔ذرائع کے مطابق سوشل میڈیا کمپنیوں کو ریگولیٹ کرنے کیلئے نیشنل کوآرڈی نیشن اتھارٹی بنائی جائے گی، جو ہراسگی، اداروں کو نشانہ بنانے، ممنوعہ مواد کی شکایت پر اکاؤنٹ بند کر سکے گی۔اتھارٹی سوشل میڈیا کمپنیوں کیخلاف ویڈیوز نہ ہٹانے پر ایکشن لے گی اور اگر کمپنیوں نے تعاون نہ کیا تو ان کی سروسز معطل کر دی جائیں گی، رولز کو فالو نہ کر نے کی صورت میں پچاس کروڑ تک جرمانہ ہوگا۔ذرائع کے مطابق وفاقی کابینہ نے قواعد میں ترمیم کردی جسے پارلیمنٹ سے منظور کرانے کی ضرورت نہیں۔ذرائع کے مطابق وزا رت آئی ٹی کے سینئر حکام نے قانونی مسودہ کی منظوری کی تصدیق کردی ہے۔قانوی مسودے کے مطابق تمام عالمی سوشل میڈیا پلیٹ فارمز کی تین ماہ میں پاکستان میں رجسٹریشن لازمی قرار دی گئی ہے۔ذرائع کا کہنا ہے کہ یوٹیوب، فیس بک، ٹوئٹر، ٹک ٹاک، ڈیلی موشن سمیت تمام کمپنیاں تین ماہ میں رجسٹریشن کرانے کی پابند ہوں گی۔مسودے میں تمام سوشل میڈیا کمپنیوں کیلئے تین ماہ میں اسلام آباد میں دفتر قائم کرنا لازمی قرار دیا گیا ہے۔

سوشل میڈیا

مزید : صفحہ اول