عمران خان نے آج یہ ثابت کردیاکہ وہ واقعی نا اہل ہیں

  عمران خان نے آج یہ ثابت کردیاکہ وہ واقعی نا اہل ہیں

  



پیپلز پارٹی کی مرکزی رہنماء شیری رحمن نے کہا کہ وزیر اعظم عمران خان نے کہا تھا کہ اگر ملک کا وزیر اعظم کرپٹ ہو تو مہنگائی ہوتی ہے اگر آپ کرپٹ ہیں تو آپ کو گھر چلے جانا چاہیے کیونکہ آپ نے عوام کو ریلیف نہیں بلکہ ان کے ساتھ کھلواڑ کیا ہے۔وہ ایشو آف دی ڈے میں گفتگو کر رہی تھیں۔ان کا کہنا تھا کہ وزیر اعظم عمران خان نے آج یہ ثابت کیا کہ وہ واقعی نا اہل ہیں اور ان کے بس میں نہیں حکومت کرنا۔اس ریلیف سے بہتر تھا کہ وہ ان پیسوں کو قومی خزانے میں جمع کروا دیتے اور روتی بلکتی عوام کو مزید تڑپاتے۔حکومت نے کھربوں کی مہنگائی کر کے ریلیف دیا بھی تو اس کا براہ راست فائدہ عوام کو کبھی نہیں پہنچیں گا۔عوام دوست ریلیف نہیں اسے عوام کا مزید خون نچوڑنے والا ریلیف کہا جائے تو بہتر ہو گا۔

شیری رحمن

مزید : صفحہ اول