پاکستان کی وہ پہلی یونیورسٹی جس نے ایسے ملک سے کرونا وائرس کی کٹس درآمد کر لیں کہ ہر کوئی حیران رہ جائے گا

پاکستان کی وہ پہلی یونیورسٹی جس نے ایسے ملک سے کرونا وائرس کی کٹس درآمد کر ...
پاکستان کی وہ پہلی یونیورسٹی جس نے ایسے ملک سے کرونا وائرس کی کٹس درآمد کر لیں کہ ہر کوئی حیران رہ جائے گا

  



کراچی(ڈیلی پاکستان آن لائن) شہر قائد کی معروف ڈاؤیونیورسٹی نے کروناوائرس کی کٹس درآمدکرلیں، پہلے کرونا کے ٹیسٹ کی سہولت صرف این آئی ایچ اسلام آباد میں تھی، ڈاؤویونیورسٹی پہلاہیلتھ کیئرانسٹیٹیوٹ ہے جہاں یہ سہولت موجودہے۔

تفصیلات کے مطابق ڈاؤیونیورسٹی نے کروناوائرس کی کٹس درآمدکرلیں، در آمدشدہ کٹس جدید ٹیکنالوجی پی سی آر کے طریقہ کار پر ہی استعمال ہوتی ہے، پہلے کروناکے ٹیسٹ کی سہولت صرف این آئی ایچ اسلام آباد میں تھی،کراچی میں ڈاؤویونیورسٹی پہلاہیلتھ کیئرانسٹیٹیوٹ ہے، جہاں کروناوائرس ٹیسٹ کی سہولت موجودہے۔ڈاؤ یونیورسٹی کے وائس چانسلر پروفیسر محمد سعید قریشی نے چین کے شہر ووہان سے پھیلنے والی وبا نوول کرونا وائرس 2019 کے پیش نظر جنوری کے اوائل میں ہی کوریا سے کرونا وائرس کے ٹیسٹ کی کٹس درآمد کے لیے ہدایت کردی تھی۔نوول کرونا وائرس 2019 اس وقت دنیا کی سب سے خطرناک بیماری ہے، جس کے ٹیسٹ سخت حفاظتی اقدامات اور مستند طریقہ کار کے بغیر ممکن نہیں ہوسکتے، اس لیے صرف آئسولیشن وارڈ میں رکھے گئے مشتبہ افراد کے ہی ٹیسٹ کیے جائیں گے۔یاد رہے کہ صوبائی محکمہ صحت سندھ  کی ہدایت پر ڈاؤ یونیورسٹی میں ابتدائی طور پر دس بیڈ پر مشتمل آئسولیشن وارڈ ز پہلے ہی تیار کرلیا گیا ہے۔

مزید : علاقائی /سندھ /کراچی