معروف شاعر فیض احمد فیض کاآج 113 واں یوم پیدائش

معروف شاعر فیض احمد فیض کاآج 113 واں یوم پیدائش
 معروف شاعر فیض احمد فیض کاآج 113 واں یوم پیدائش

  IOS Dailypakistan app Android Dailypakistan app

لاہور (ڈیلی پاکستان آن لائن ) اردو کے صاحب طرز شاعر، ادیب اور معروف صحافی فیض احمد فیض کا 113 واں یوم پیدائش آج منایا جارہا ہے۔دنیا نیوز کے مطابق فیض احمد فیض اردو شاعری کا ایسا بلند پایہ نام ہیں جس کی گونج دنیا کے بیشتر ممالک میں سنائی دیتی ہے اور دنیا بھر میں اردو شاعری کو پڑھنے اور سمجھنے والے فیض احمد فیض کی فنی عظمت کے قائل ہیں،فیض احمد فیض 13 فروری 1911 کو سیالکوٹ میں پیدا ہوئے، عربی اور انگریزی ادب میں ماسٹرز کی ڈگریاں حاصل کیں جس کے بعد فیض کئی کالجز میں استاد رہے،انہیں اردو اور پنجابی کے علاوہ انگریزی، عربی، فارسی اور روسی زبان پر بھی عبور حاصل تھا، 1936 میں انہوں نے ترقی پسند تحریک میں شمولیت اختیار کی اور تحریک کے پہلے سیکرٹری جنرل منتخب ہوئے،شاعری کے ساتھ فیض احمد فیض کئی ادبی جرائد کی ادارت کے فرائض بھی انجام دیتے رہے۔فیض احمد فیض نے اپنی شاعری اور نثری تحریروں میں مظلوم انسانوں کے حق میں آواز اٹھائی اور انسان پر انسان کے جبر کو قبول کرنے سے انکار کیا جس کے نتیجے میں انہیں مخالفتوں کا سامنا بھی رہا اور قید و بند کی صعوبتیں بھی اٹھانا پڑیں،ان کی شاعری کے متعدد زبانوں میں ترجمے ہوئے اور کئی مشہور گلوکاروں نے ان کی غزلیں اور نظمیں گائیں،فیض احمد فیض کو روس کے لینن ایوارڈ سمیت متعدد عالمی اور قومی اعزازات سے نوازا گیا، ان کے مشہور شعری مجموعوں میں نسخہ ہائے وفا ، نقش فریادی ، دست صبا ، زنداں نامہ اور دست تہہ سنگ شامل ہیں، بے شک اردو ادب عہد ساز شاعر فیض پر فخر کرتا رہے گا۔

مزید :

شاعری -