بھارت نے فرانسیسی ڈیزائن کے تحت تیار کردہ دوسری سکورپین کلاس آبدوز لانچ کردی

بھارت نے فرانسیسی ڈیزائن کے تحت تیار کردہ دوسری سکورپین کلاس آبدوز لانچ کردی
بھارت نے فرانسیسی ڈیزائن کے تحت تیار کردہ دوسری سکورپین کلاس آبدوز لانچ کردی

  

ممبئی (آئی این پی) بھارت نے فرانسیسی ڈیزائن کے تحت تیار کردہ اپنی دوسری اسکورپین کلاس آبدوز لانچ کر دی۔ بھارتی میڈیا کے مطابق جمعرات کو ممبئی میں اس آبدوز کی رونمائی کی گئی جس کا نام آئی این ایس کھاندیری ہے۔ رپورٹ کے مطابق ڈیزل اور الیکٹرک پاور سے چلنے والی یہ سب میرین مختلف آپریشنز میں استعمال کی جا سکتی ہے جس میں اینٹی سرفیس وارفیئر، اینٹی سب میرین وارفیئر، خفیہ معلومات کا حصول، بارودی سرنگیں بچھانا اور اور جاسوسی شامل ہیں۔ یہ آبدوز زیر آب اور پانی کی سطح سے گائیڈڈ ہتھیاروں، ٹورپیڈوز، ٹیوب لانچڈ اینٹی شپ میزائلز کے ذریعے ہدف کا کامیابی سے نشانہ بنانے کی صلاحیت رکھتی ہے۔ بھارتی بحریہ کے بیڑے میں شمولیت سے قبل اس آبدوز کی آزمائشی جانچ کی جائے گی۔

مزید : بین الاقوامی