رشتے سے انکار پر دوپاکستانی بہنوں پر دستی بم سے حملہ

رشتے سے انکار پر دوپاکستانی بہنوں پر دستی بم سے حملہ
رشتے سے انکار پر دوپاکستانی بہنوں پر دستی بم سے حملہ

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

کراچی (ڈیلی پاکستان آن لائن)رشتے سے انکار پر ملزم نے دوبہنوں پر دستی بم پھینک دیاگیا جس کے نتیجے میں وہ زخمی ہوگئیں ،لانڈھی کے علاقے کوہی گوٹھ میں گھر پر دستی بم کے حملے کے نتیجے میں دونوں بہنوں 19سالہ ثمرین بلوچ اور 17سالہ صنم بلوچ کے زخمی ہونے کی پولیس نے بھی تصدیق کردی۔

شاہ لطیف ٹاﺅن کے ایس ایچ اوساجد کھوڑیو کے مطابق لڑکیوں کے والد قادر بخش نے بتایاکہ اس کے رشتہ دار ساجد نے دومرتبہ اس کی بیٹیوں کیلئے رشتہ بھجوایا لیکن مسترد کردیاگیا، حملے سے قبل ساجد نے قادر بخش اور اس کے خاندان کو رشتہ ٹھکرانے پر سنگین نتائج کی دھمکیاں بھی دیں ، دستی بم اس وقت پھینکا گیا جب دونوں بہنیں اپنے چھوٹے سے گھر کی چھت پر آرام کررہی تھیں۔

زخمی بہنوں کو جناح پوسٹ گریجوایٹ سنٹر منتقل کردیاگیا جہاں ان کی حالت خطرے سے باہر ہے ۔

پولیس حکام کے مطابق ساجد ایک گینگ کا رکن اور نشئی ہے ، قادر بخش کی درخواست پر ملزم ساجد کیخلاف مقدمہ درج کرلیاگیا اور گرفتاریوں کیلئے مزید تفتیش جاری ہے ۔

مزید : کراچی