جرمنی نے ٹرمپ کا نیٹو میں زیادہ کردار ادا کرنیکا مطالبہ مسترد کردیا
برلن (اے پی پی) جرمنی کے وزیر خارجہ نے مغربی ایشیا میں نیٹو کے زیادہ سے زیادہ کردار ادا کرنے کے امریکی صدرکے مطالبے کی مخالفت کی ہے۔جرمن وزیرخارجہ ہایکو ماس نے این ٹی وی نیوز چینل سے اپنی گفتگو میں مغربی ایشیا میں نیٹو کے زیادہ فعال کردار کے بارے میں امریکی صدر ٹرمپ کی درخواست کی مخالفت کی اور کہا کہ یہ مطالبہ صحیح نہیں ہے۔ جرمن وزیرخارجہ نے کہا کہ یورپی یونین کو چاہئے کہ وہ مغربی ایشیا میں آزادانہ کردار ادا کرے۔