چین کے تالاب پر دیوہیکل برف کی پلیٹ سیاحوں کی توجہ کامرکز

چین کے تالاب پر دیوہیکل برف کی پلیٹ سیاحوں کی توجہ کامرکز

  



بیجنگ(این این آئی)برفانی موسم میں کہیں زندگی مفلوج تو کہیں حسین نظارے تخلیق، ایسے ہی حسین نظارے چین کے ایک تالاب میں دیکھے گئے جہاں دیوہیکل برف کی پلیٹ سیاحوں کی توجہ کا مرکز بن گئی۔میڈیارپورٹس کے مطابق دْنیا بھر کے مختلف ممالک میں کڑاکے کی سردی اور برف باری کے باعث موسم نے جہاں لوگوں کی زندگی مفلوج کر رکھی ہے وہیں خْدا کی قْدرت سے تخلیق ہونے والے برفیلے حسین نظارے سیاحوں کے دِل لوٹ رہے ہیں۔برفانی موسم کے باعث جہاں تالاب جم گیا وہیں اْس کی تہہ پر جمی برف خود بخود 20 فٹ قطر کی بڑی آئس پلیٹ کی شکل میں بدل گئی۔تالاب کی سطح پر موجود برفیلی پلیٹ پانی کے بہاو کے ساتھ ساتھ گھڑی کی مانند مْسلسل گْھوم رہی ہے جو سیاحوں کی توجہ کا مرکز بنی ہوئی ہے۔سیاح یہاں پہنچ کر ناصرف یہ مناظر کیمرے کی آنکھ میں محفوظ کرتے دکھائی دے رہے ہیں بلکہ اِس برفیلی پلیٹ کے قریب کھڑے ہو کر ویڈیو بھی بنوا رہے ہیں۔

مزید : عالمی منظر