فلمساز ویپل شاہ کا فلم ’’ فورس‘‘ کا سیکوئیل بنانے کا اعلان

فلمساز ویپل شاہ کا فلم ’’ فورس‘‘ کا سیکوئیل بنانے کا اعلان

ممبئی ( نیٹ نیوز) بالی ووڈ نامور فلمساز ویپل شاہ نے فلم ’’ فورس‘‘ کا سیکوئیل بنانے کا اعلان کردیا ، فلم میں دبنگ گرل سوناکشی سنہا پہلی بار جان ابراہم کے ساتھ رومانس کرتی نظرآئیں گی ۔ معروف فلمساز ویپل شاہ اب فلم "فورس " کا سیکوئل بنائیں گے ۔ فلم کیلئے جان ابراہم کا نام تو پہلے ہی فائنل ہے لیکن اب سوناکشی سنہا کو بھی مرکزی کردار کیلئے منتخب کرلیا گیا ہے ۔ دونوں سْپر سٹارز کی ایک ساتھ یہ پہلی فلم ہوگی ۔ جان ابراہم کا کہنا ہے کہ وہ فلم کی شوٹنگ کیلئے خاصے پرجوش ہیں ۔ فلم کی شوٹنگ رواں سال ستمبر میں شروع کی جائے گی جبکہ آئندہ سال فلم ریلیز کیلئے پیش ہوگی ۔ دونوں کی جوڑی اب باکس آفس پر کیا گل کھلائے گی یہ تو وقت ہی بتائے گا ۔

مزید : کلچر