سری لنکا کا ون ڈے اور ٹی 20 کیلئے نئے کپتانوں کا اعلان

سری لنکا کا ون ڈے اور ٹی 20 کیلئے نئے کپتانوں کا اعلان

کولمبو(صباح نیوز)سری لنکن کرکٹ بورڈ نے دنیش چندی مل کو ٹیسٹ ٹیم کا کپتان اور اوپل تھرنگا کو ون ڈے انٹرنیشنل اور ٹی 20 ٹیم کا کپتان مقرر کردیا گیا ہے۔سابق کپتان اینجلو میتھیوز نے زمبابوے کے ہاتھوں ون ڈے سیریز میں شکست کے بعد تینوں فارمیٹ سے کپتانی کے استعفے کا اعلان کیا تھا جس کے بعد نئے کپتانوں کا اعلان کیا گیا ہے۔دنیش چندی مل کو 2013 میں ٹی 20 ٹیم کا کپتان بھی بنایا گیا تھا اور اس طرح وہ سری لنکا کی جانب سے کپتان بننے والے سب سے نوجوان کھلاڑی بھی بن گئے تھے۔ وہ ٹیسٹ ٹیم کی کپتانی کے کیرئیر کا آغاز کل( جمعہ )سے کولمبو میں زمبابوے کے خلاف شروع ہونے والے ٹیسٹ میچ سے کریں گے۔دوسری جانب اوپل تھرنگا، جو اینجلو میتھیوز کے ان فٹ ہونے پر ون ڈے ٹیم کی قیادت کرتے رہے ہیں، کو مستقل طور پر ون ڈے انٹرنیشنل اور ٹی 20 ٹیم کا کپتان مقرر کر دیا گیا ہے۔اپنی تعیناتی پر چندی مل نے گفتگو کرتے ہوئے کہا کہ سب سے پہلے، میں اینجلو میتھیوز کا شکریہ ادا کرنا چاہوں گا۔

کپتان کی حیثیت سے کام کرنا آسان نہیں، اینجلو میتھیوز نے گزشتہ چار سے پانچ سال میں بہترین کام کیا۔ ہم نے ایک نوجوان اور ایک کھلاڑی کی حیثیت سے آپ سے بہت کچھ سیکھا۔

مزید : کھیل اور کھلاڑی


loading...